Die storie van Petri de Wet en sy gashengelaars se avonture in Angola verder vertel. Nadat die manne baie groot Elwe met kunsaas gevang het ry die span verder noord en ontdek n pragtige kamp-area in die woestyn. By die unieke kampplek vang die manne reuse groot Kabeljoue, die grootste een laat die skaal kreun op 25kg, ‘n nuwe Hier gaan ons alweer kunsaas rekord. Soos altyd deel Petri ‘n handige hengelwenk uit.
Petri de Wet en sy span land ‘n paar reuse kabeljoue met kunsaas. ‘n Rowwe see forseer die span om kamp op te slaan en te gaan soek na ‘n nuwe hengel plek, waar ‘n paar interessante visse geland word, onder andere ‘n aggressiewe haai wat Petri se been raak byt. Soos altyd deel Petri ‘n handige hengelwenk.
Petri de Wet en sy gashengelaars, wat gegids word deur Angola gids Frans de Wit, vertrek van hulle kampplek af twee ure voordat die son opkom. Hulle ontdek ‘n nuwe hengelplek, waar hulle groot Kabeljoue gooi vir gooi vang. ‘n Paar groot “blinklywe” word geland wat die skaal tot op 14kg trek, ander intressante spesies soos Paling word ook geland, wat sorg vir groot sports. Soos altyd deel Petri ‘n handige hengelwenk of twee.
Petri de Wet en sy gashengelaars besoek die pragtige land van Zimbabwe op Lake Mteri, waar Petri en drie ander top hengelaars teen mekaar kompeteer om te sien wie die grootse Swartbaars kan vang. Die dam is baie mooi met baie bome in die water wat ook dien as struktuur vir die groot Baars.
Petri besoek die Vaalrivier naby Potchefstroom, waar hy saam met hengellegende Schalk van Breda van Team SuperCast hengel vir groot Karpe van die oewer af. Petri land ‘n paar reuse groot rivier-Karpe en Schalk vang sy persoonlike beste na 40 jaar se hengel, wat sorg vir die beste papgooi hengel wat al op Suid Afrikaanse televisie gesien is. Petri en Schalk deel ook handig wenke.
Petri maak ‘n draai by die silwerskoon Tzaneen-dam, waar hy saam met die manne van SuperCast hengel vir trofee Karpe. Die ouens vang ‘n klomp trofee vis, wat twee Karpe insluit van 40lb. Dit is die eerste keer dat ‘n Suid Afrikaanse hengelprogam dit regkry om twee 40 ponders in een program te vang. Hengel legende Loukie van de Merwe gee ‘n paar wenke vir trofee Karp hengel.
Ons wys die tweede gedeelte van Petri de Wet en Loukie van der Merwe van Team SuperCast se hengel avontuur by Tzaneen-dam. Die manne land ‘n hele paar monster Karpe, wat Petri se reuse 40lb Karp insluit. Petri en Loukie deel baie geheime van hul hengel-sukses by die Tzaneen-dam.
Petri de Wet hengel in die Suid-Kaap. Daar word ‘n paar verskillende vis spesies geland op verskeie plekke, maar die meeste van die hengel vind plaas op die Breederivier waar Petri en sy gashengelaar Arnold Taute ‘n klomp pragtige Knorhane land waarvan ‘n paar van die grotes die skaal laat kreun tot op 7kg.
Petri besoek die pragtige land van Namibië waar hy saam met Namibiese hengelaar Leon Krauze hengel. Nadat die manne sommer vinnig ‘n paar Kabeljoue gevang gekry het vir ‘n visbraai. Na hul goeie vangste bo in die noorde beweeg hulle suid tot net onder Hentiesbaai waar Petri ‘n reuse Bronshaai van 110kg land. Soos Altyd gee die manne ‘n handige wenk of twee.
Maandag 6 Oktober 2014 om 17:30
Petri de Wet en die Hier Gaan Ons Alweer-span besoek die pragtige land van Zambië waar hulle op die magtige Zambesi rivier hengel vir reuse Kurper spesies asook troffee Tiervisse. Hulle besoek die Barotse Tiger Camp wat naby Lukulu geleё is in die weste van Zambië. Nie lank nie of die manne begin Kurper vir Kurper land en gashengelaar Takkie Branford maak vas aan een van die Zambesi Stoomtrein Tiervisse en verbeter so ook sy persoonlike beste.
The post Hier gaan ons alweer: 6 Oktober 2014 appeared first on Kyknet.
*Maandae @ 17:30; Dinsdae @ 10:00; Donderdae @ 11:00; Vrydae @ 17:30; Saterdae @ 13:00 en Sondae @ 11:00.
Die trefferprogram, Hier Gaan Ons Alweer, is binnekort weer terug op die kassie in HD. Die reeks gaan oor die hengel avonture van Nasionale kunsaas hengelaar en hengel-entoesias Petri de Wet en sy gashengelaars. Die program wys vir kykers hoe besonderse hengelplekke lyk en ook watter hengeltegnieke op n spesifieke plek werk.
Dit is egter Petri se groot passie vir visvang en sy vermoe om trofee vis te vang wat die meeste kykers opgewonde maak. As jy die beste hengel in SA-waters en ons buurlande se waters wil beleef is die program vir jou! Die 13de reeks van hierdie program begin op kykNET op 6 Oktober 2014 om 17:30. Moenie dit misloop nie!
As jy ‘n navraag het, kan jy dit gerus op die Hier gaan ons alweer Facebook blad laat.
The post Hier gaan ons alweer appeared first on Kyknet.
Maandag 13 Oktober 2014 om 20:00
Hierdie week hengel Petri en sy span vir die eerste keer die Zambesi rivier in die nag. Met geen sig is daar groot konsternasie onder die hengelaars wat die pret-faktor opstoot en die adrenalien laat pomp. Die hengelaars land verskeie pragtige Tiervisse vanaf 7.5kg en meer. Na ‘n goeie nag van hengel maak Petri vroeg die volgende oggend vas aan ‘n troffee Tiervis wat beskou word as een van die grootste Tiervissse wat al in die Zambesi gevang is. Soos altyd deel Petri handige hengel geheime.
The post Hier gaan ons alweer: 13 Oktober 2014 appeared first on Kyknet.
Maandag 20 Oktober 2014 om 17:30
Petri en sy gashengelaars hengel vir Swartbaars ook bekend as grootbekbaars. Hulle besoek Roodekoppies dam, maar slegte weer beperk die hengeltyd. Die volgende dag hengel die manne die Olifantsrivier. Petri gebruik die nuwe Afrikaanse visvinder (fishfinder) om die visse in die diep water op te spoor. Soos altyd deel Petri n handige wenk of twee.
The post Hier gaan ons alweer: 20 Oktober 2014 appeared first on Kyknet.
Maandag 3 November 2014 om 17:30
Petri-hulle vertel die storie verder van hul papgooi avontuur op die Vaalrivier. Na die goeie hengelsessie op die Vaalrivier vertrek Petri na Buffelspoortdam waar hy en gashengelaar Loukie van der Merwe hengel vir trofee karpe. Die span maak vas aan verskeie trofee karpe van oor die 10kg en meer. Daar word ook in die nag vasgemaak aan ‘n paar pragtige trofee Karpe. Loukie en Petri gee vir die kyker handige wenke soos altyd.
The post Hier gaan ons alweer: 3 November 2014 appeared first on Kyknet.
‘n Bekende gesig op Hier gaan ons alweer, Takkie Branford, is verlede week oorlede. Ons innige meegevoel aan sy familie en hengelaarsvriende.
The post Geliefde hengelaar sterf appeared first on Kyknet.
In die splinternuwe seisoen van Hier gaan ons alweer toer die hengelspesialis Petri De Wet en sy gashengelaars Suid-Afrika en Afrika plat op soek na avontuur, groot visse en die beste hengel-bestemmings. Soos altyd vertel Petri die storie en deel hy handige wenke om die kykers te help om dieselfde hengelsukses te behaal. Hulle toets ook die nuutste toerusting en ’n nuwe app wat kykers sal help om sukses te behaal. Dié aksiebelaaide seisoen skop af op 5 Oktober 2015 om 17:30.
The post Hier gaan ons alweer keer terug vir 14de seisoen appeared first on Kyknet.
Hierdie week is die eerste episode van Hier gaan ons alweer se 14de seisoen. Hengelspesialis Petri de Wet en sy gashengelaars besoek Loskopdam, waar die manne reusagtige Swartbaars met kunsaas vang. Petri toets nuwe hengeltoerusting en deel ook ’n paar wenke met die kykers.
Kyk Hier gaan ons alweer, Maandae om 17:30 op kykNET.
The post Hier gaan ons alweer: 5 Oktober 2015 appeared first on Kyknet.
Petri met ’n tiervis van amper 12 kg
Petri de Wet, aanbieder van die kykNET-hengelprogram Hier gaan ons alweer, het die senior Protea-span gehaal wat die land van 28 November tot 5 Desember 2016 in Malawi gaan verteenwoordig.
Slegs vier hengelaars is deur die Suid-Afrikaanse Kunsaashengel Vereniging vir dié span gekies, wat De Wet as een van Suid-Afrika se top-hengelaars uitsonder. Ons het met hom gesels:
Baie geluk met die groot prestasie! Wat moet ’n mens alles regkry om vir Protea-kleure benoem te kan word?
Hengelaars begin eers op klubvlak, totdat hulle genoeg evaring opgedoen het om aan die provinsiale proewe deel te neem.
Op provinsiale vlak moet ’n hengelaar ’n jaar lank deelneem en as jy kwalifiseer vir die provinsiale span kan jy aan die Suid Afrikaanse hengelkampioenskappe gaan deelneem en daarna aan die Protea-proewe. Die proses word vir drie jaar herhaal en as jy ná die drie jaar onder die top-vier hengelaars val, kan jy gekies word vir die vier-man Protea-span.
Petri met ’n groot kabeljou wat met kunsaas gevang is
Oor watter eienskappe beskik ’n goeie hengelaar?
Baie tyd op die water gee jou gewoonlik baie ervaring, maar ’n goeie hengelaar leer oor jare wanneer, waar en hoe om groot visse te vang. Uithouvermoë en harde werk is baie belangrik. ’n Goeie hengelaar hou altyd aan om te leer, selfs by beginners.
Wat beteken die benoeming vir jou?
Ek is baie dankbaar daarvoor en beplan om my beste te gee vir my land. Dit voel soos ’n beloning vir baie jare se harde werk.
Vertel ons meer van die toernooi waaraan jy in November gaan deelneem.
As alles mooi loop hengel ons die toets in Malawi op die Malawi-meer. Ons Protea-span sal in twee dae moet leer wat die ander spanne al vergeet het oor die jare. Ek glo dit gaan ’n taai stryd wees.
Petri met ’n karp van sowat 18 kg
Waarna kan kykers uitsien in die nuwe seisoen van Hier gaan ons alweer?
In die nuwe reeks gaan ons ’n paar pragtige plekke besoek in Afrika en groot visse jag. Ons gaan ook op tuisbodem die grotes jag. Sou ons dit regkry gaan ek met die kykers wenke deel wat hulle ook sal help om dieselfde sukses te behaal.
Die nuwe seisoen van Hier gaan ons alweer begin op 3 Oktober 2016 om 17:30 op kykNET.
The post Petri de Wet gaan hengel vir SA in Malawi appeared first on Kyknet.
Vanaf Oktober pak hengelspesialis Petri de Wet elke Maandagaand sy bakkie swaar, haak sy sleepwa en vertrek op soek na nuwe en pragtige hengelplekke. Saam met sy gashengelaars is Petri op soek na die groot visse – om die adrenalien deur hul are te laat bruis. Hy toets ook nuwe hengeltoerusting en deel sy wenke met kykers.
Petri de Wet gaan hengel vir SA in Malawi
In die eerste episode van dié opwindende nuwe seisoen, vat Petri en 7 ander hengelaars die pad na die Weskus.
Skakel in vir die 15de seisoen van Hier gaan ons alweer – vanaf 3 Oktober 2016, Maandae om 17:30.
The post Hier gaan ons alweer – vir die 15de keer! appeared first on Kyknet.
